ចិនប្ដេជ្ញាការពារអធិបតេយ្យភាពជាតិរបស់ខ្លួនបើជប៉ុនប្រើកម្លាំងយោធា..!!
ទីក្រុងប៉េកាំង៖ ប្រទេសចិនបានយកសំណុំរឿងជម្លោះការទូតរវាងខ្លួន និងជប៉ុនឡើងទៅអង្គការសហប្រជាជាតិ។ ចិនចោទថាជប៉ុនគំរាមកំហែងឈ្លានពានខ្លួនដោយកម្លាំងយោធាដោយយោងទៅលើពាក្យសម្ដីរបស់នាយករដ្ឋមន្ត្រីជប៉ុនដែលនិយាយកាលពីថ្ងៃទី៧ ខែវិច្ឆិកា។ ដូច្នេះ ចិនប្ដេជ្ញាថានឹងការពារជាតិរបស់ខ្លួនទោះបីនៅក្នុងតម្លៃណាក៏ដោយ។ នេះជាពាក្យសម្ដីធ្ងន់ជាងគេចាប់តាំងពីជម្លោះនេះចាប់ផ្ដើមកើតឡើងកាលពី២សប្ដាហ៍មុន។ នៅក្នុងលិខិតផ្ញើជូនអគ្គលេខាធិការអង្គការសហប្រជាជាតិ ឯកអគ្គរដ្ឋទូតចិនបានសរសេររៀបរាប់ថា «នាយករដ្ឋមន្ត្រីជប៉ុន លោកស្រីសាណាអិ តាកាអ៊ីឈិ (Sanae Takaichi) បានរំលោភធ្ងន់ធ្ងរទៅលើច្បាប់អន្តរជាតិ...
